World War II

World War II
(Mk. 3: 22-30)

Ikalawang Digmaang Pandaigdig. Nakita ng mga tao ang bunga ng pag-aaway-away ng mga bansa. Naranasan ng mga tao ang hirap ng pagkakawatak-watak at hindi pagkakaintindihan. Marami ang namatay. Maraming mga gusali ang nawasak. Maraming mga pangarap ang nawalan ng katuparan.

Dahil sa karanasang ito nag-usap ang maraming lider ng mga bansa at pinag-usapan kung papaanong hindi na mauulit ang malaking hidwaan na ito. Dito nabuo ang United Nations noong October 24, 1945 na magbibigay ng mapayapang kaayusan sa mga pagkakataon na hindi nagkakaunawaan ang mga bansa. Ito rin ang tutulong sa mga bansa na nakakaranas ng kalamidad at kahirapan. Ito ang bunga ng paghahanap ng mga bansa ng pagkakaisa para sa mga tao.

Ito rin ang nais ni Hesus para sa mga tao…na ang lahat ay maging isa katulad ng siya at ang Ama ay iisa.

Inakusahan si Hesus na ang kaniyang ginagawang pagpapagaling ay buhat sa kasamaan. Pero sinabi ni Hesus na hindi pwedeng mangyari ito sapagkat kapag kinalaban ng demonyo ang demonyo din sila ay magkakawatak at sila ay mawawasak. Nagdala si Hesus ng kagalingan dahil ito ang humihilom sa sugat na dala ng kasalanan.

Sa tahanan, kapag ang mga myembro ng pamilya ay nag-aaway at nagbabanggaan, ang pamilya ay hindi nagdudulot ng kasiyahan ay bagkus nagdadala sa kanila na lalong lumayo sa isa’t-isa.
Sa basana, kung ang mga tao lalo naang mga namumuno ay walang pagkakaisa, wala ring paglago ang bansa at sa halip ay hinahatak ang bawat isa pababa.

Sa Simbahan ay gayun din. Kung ang mga myembro ng Simbahan ay nag-iinggitan, nagtsitsismisan at hindi pinagkakatiwalaan ang kakayahan ng bawat isa, hindi rin magiging maganda ang pagsulong nito. Kung tayo-tayo ay may kanya-kanyang agenda na pansarili lamang, ang Simbahan ay tiyak na mapupunta sa kawalan. Kung tayo-tayo ay nagbabangayan siguradong sa kangkungan ang ating hantungan.

Let us unite under the one banner of Love!