Ang Maganda at Gwapo Ngayong Pasko

Ang Mga Maganda at Gwapo Ngayong Pasko
(Kapaskuhan)

May isang pag-aaral na ginawa at lumabas sa pag-aaral na dalawa sa tatlong tao ay maganda o gwapo. Kaya nga pag tumingin ka sa kanan mo at siya ay maganda o kaya ay gwapo, medyo kabahan ka na. At pag tumingin ka sa kaliwa mo at maganda rin o kaya ay gwapo…wala ka ng pag-asa!

Mahirap talaga ang pangit.

Sabi nga dun sa nakalagay sa jeep na minsan ay nasakyan ko: “Pag maganda at sexy, LIBRE. Pang pangit, DOBLE!”

Mahirap talaga ang pangit.

Sabi nga ni Tsokoleit…

Pag nag-aaply ka sa airlines…pag maganda ka magiging stewardies ka pero pag pangit ka magiging ground staff ka, taga-traffic g mga eroplano.

Pag maganda ka at nag-apply ka sa food chain ilalagay ka sa cashier pero pag pangit ka dun ka ilalagay sa kitchen.

At pag na-promote ang magandang cashier magiging manager pero ang pangit na nasa kitchen pag na-promote ay magiging mascot.

Sa simbahan ganun din yata. Pag maganda ka at gwapo nasa loob ka ng simbahan. Kaya nga yung mga nasa labas ay….Nope, hindi po sila mga pangit. Mapagbigay lang sila upang kayo ay makaupo.

At ito ang da best…Pag pangit na pari ka, kung saan saan ka lang ilalagay. Pero pag gwapong pari ka….sa MONTALBAN ka ia-assign! Tsk Tsk Tsk…Unfair talaga…

Kaya nga ngayong Pasko, gusto mo bang maging maganda o kaya ay gwapo? Matuto na magbigay ng regalo. Magiging maganda o kaya ay gwapo sa iyong mga bibigyan ng regalo. Hindi lang yun, magiging maganda o gwapo ka sa paningin ng Diyos kase tinularan mo si Hesus!

(Pagbigyan nyo na po ako, pasko naman…:P)