Simut na Simot

Simut na Simot

Nakakatuwa. Kung kukumustahin natin ang isa’t-isa:kumusta ang pasko mo? Marahil ay isasagot ninyong: Father, simut na simot po. Wala pong natira kahit singkong duling, naubos pang-aginaldo.” Pare-pareho po tayong na simot.

Mga kapatid, matapos ang pasko simut na simot tayo. Simot ang bulsa. Simot ang wallet. Simot ang kaldero. Pati lakas, nasimot dahil sa pagod. At pumayag naman tayong masimot.

Bakit nga ba ganoon? Tuwing pasko, pumapayog tayong masimot. Marahil, sapagkat talaga ang tunay na diwa nang Pasko: ang masimot. Ang pasko ay tungkol sa Diyos na nagbuhos nang sarili hanggang masimot. Kaya nga sa theology, mayroong isang technical term, KENOSIS, salitang Griyego na ang kahulugan ay self-emptying. God emptied himself out of love for humanity. Nagbuhos ng sarili ang Diyos para sa tao, hanggang masimot.

Kapatid, kung ikaw man ay nasimutan, matuwa ka at magdiwang, sapagkat iyong naramdaman ang tunay na diwa ng kapaskuhan. At hwag mong kalilimutan, kahit ikaw ay nasimutan, marami ka naming nadulutan nang kaligayahan.

At kapag ganoong marami kang napaligaya, kahit simot ka na, pakiramdam mo’y punong puno ka…