Walang Like?

Walang Like?
(Mt. 19: 16-22)

“Umalis siyang malungkot sapagkat napakayaman niya.”

Maraming masasarap na pagkain sa iyong hapag-kainan, wala ka namang panlasa…masaya ka ba?

Marami kang sasakyan, wala ka namang pupuntahan, masaya ka ba?

Dami mong celfone, wala namang tumatawag at nagte-text sa iyo, masaya ka ba?

Laki ng bahay mo at parang palasyo, wala ka namang kasama, masaya ka ba?

Dami mong friends sa facebook pero wala namang nagla-like sa mga posts mo, masaya ka ba?

Maganda/gwapo ka nga pero pangit naman ang ugali mo kaya walang lumalapit sa iyo, masaya ka ba?

Ang binata sa Mabuting Balita ay kumpleto na sa buhay sa mundong ito. Halos nasa kanya na ang lahat. Pero meron pa ring kulang, meron pa din siyang hinahanap…hinahanap niya ang daan tungo sa buhay na walang hanggan. Ito ang magbibigay sa kanya ng tunay na kagalakan. Dito nya matatagpuan ang tunay na kasiyahan.

Nasa tamang direksyon na siya pero tumigil pa siya. Hindi kase niya kayang iwan ang kayamanan.

Dukha ka man sa mundong ito, masaya ka naman kase sumusunod ka kay Kristo!