Maring+Habagat

Maring + Habagat
(An appeal)

I returned.

Papunta sana akong Tagaytay para lumanghap ng malamig na hangin pero dahil sa sama ng panahon ay hindi natuloy. Sumakay ako ng Jeep pauwi at nakita ko sa daan ang maraming taong lumikas dahil sa baha. Sabi nung driver ilang oras na lang at aapaw na ulit ang Marikina river dahil tuloy-tuloy ang pagbaksak ng malakas na ulan.

Parang mga basang sisiw ang mga taong lumilikas. Basa sila at nilalamig na. Yung iba marahil ay mga gutom pa. Sigurado na sa mga eskwelahan at mga basketball court sila titigil at tutulog hanggang sa lumipas ang taas ng tubig. Hindi rin nila alam kung meron pang bahay silang babalikan. Aasa na lang sila sa mga tulong na dadating sa kanila.

Mahirap talaga ang maging mahirap. Lalo na pag ganitong kalamidad. Walang mapupuntahan. Walang masisilungan. Wala man lang mainit na sabaw. Wala ding madudukot na isinuksok. Aasa na lang sa biyaya ng iba. Walang kasiguraduhan ang kinabukasan.

Kailangan talaga na laging handa. Kailangan din na hindi ubos-ubos ang biyaya. Pero may mga pamilya talaga na kahit anong gawin ay walang-wala. Sila yung nabubuhay na pag tumigil sa paggawa ay nganga.

Tuloy-tuloy pa rin ang lakas ng pagbaksak ng ulan ngayon. Marami sa atin ang nasa magandang lugar…may pagkain, may maganda at tuyong higaan, may mainit na kape, at meron pang FB! (me one of them) Marahil yung iba ay nanalangin pa na lumakas ang ulan para walang pasok.

Kaya nga hindi kataka-taka na magalit si Ian Mulingbayan . Sabi nya: “@&)&$)#%€£¥!!!! Umayos kayo! KUNG MAGDADASAL KAYO IPAGDASAL NYO NA TUMIGIL NA ANG ULAN, DAHIL MARAMING MGA KABABAYAN NATIN ANG NAHIHIRAPAN NA. WAG KAYONG SELFISH.. BUSET... — feeling annoyed."

Alalahanin natin yung mga taong nabiktima ng kalamidad na ito. Ipagdasal natin sila na maging ligtas. Ipagdasal din natin na humupa na ang pag-ulan. At tumulong din tayo magbigay ng pagkain o anumang bagay na kailangan nila.