Miami Heat Wins the Championship

Miami Heat Wins the Championship
(Mt. 6:19-23)

NBA championship 2013. San Antonio Spurs versus Miami Heat. Best of seven series. Nakatatlong panalo na ang Spurs at nangangailangan na lang nang isang panalo para makuha ang kampionato. Game 6. Mahigit 20 segundo na lang ang natitira. Lamang pa nang anim ang Spurs.

Nag-alisan na ang maraming fans nang Miami sa pag-aakalang talo na ang Heat. Kahit na nga ang mga players kasama na ang MVP na si Lebron James ay desperado na din. Pero isang tao, si Coach Eric Spoelstra, ang naniwala na makakaya pa rin nila. Sa kanyang mga pananalitang paggabay, bumalik sa court ang mga players dala ang kaunting pag-asa.

Dalawang error na ang nagawa ni Lebron pero hindi iyon naging hadlang para gumawa. Tumira siya nang 3pts. Sa una ay sumablay pero nakuha pa rin nila ang bola at muli siyang tumira. Nahulog ang bola sa ring. Sa huling mahigit limang minuto nang game, muling tumira si James pero sablay ito. Na-rebound ni Bosh ang bola at ibinigay kay Allen na tumira naman nang tres. Naibuslo niya ito. Extension ang laban.

Natapos ang laro at nanalo ang Heat. Gayun din ang nangyari sa game 7. Nanalo ang Heat at nakuha nila ang kampionato. Nanalo sila sapagkat meron silang malaking puso para lumaban at sungkitin ang sa palagay nila ay para sa kanila.

Ang sabi sa Mabuting Balita; “…kung nasaan ang iyong kayamanan, naroon din ang puso mo.” Malalaman natin ang laman nang puso sa pamamagitan nang pagsuri sa sarili. Ano ba ang pinagbubuhusan mo nang iyong lakas? Ano ba ang binibigyan mo nang maraming panahon? Ano ba ang laman nang iyong isip? Ano ba ang iyong pinapahalagahan? Ano ba ang pinagbubuhusan mo nang talino? Ang kasagutan dito ay ang itinuturing mong kayamanan.

Sa buhay isa lang naman talaga ang dapat nating itinuturing na kayamanan, walang iba kundi ang Panginoon. Kung bakit tayo nagsasakripisyo para sa pamilya at sa ibang tao, ang dahilan ay ang Diyos. Kung bakit tayo nagpapakabuti, ang dahilan ay ang Diyos. Kung bakit tayo naglilingkod, walang iba kundi ang Diyos. At kung bakit tayo nagmamahal nang tunay ang dahilan ay ang Diyos.

Ano ang laman nang puso mo? Sana ang Panginoon ang ituring mong tunay na kayamanan.