Stephen Hawking

Stepehen Hawking
(Mk. 12: 18-27)

Si Stephen Hawking ang isa sa mga kinikilalang pinakamatalinong tao sa mundo ngayon. Isa siyang theoretical physiscist at professor sa Cambridge University. Kaya nyang ipaliwanag kung paano nabuo ang kalawakan. Kaya nyang ituro ang kahit anong kumplikadong aralin tungkol sa science. At kahit na nga ang mga makikita sa kalawakan ay kaya niyang ilarawan na tila nakarating na siya sa mga lugar na iyon.

Pinakamatalino man siya pag pinag-usapan ang siyensya, nahihirapan naman siya pagdating sa pagkaunawa sa kabilang buhay. Hindi siya naniniwala na merong buhay pagkatapos nang lahat dito sa mundo. Sabi niya, ang tao ay para lang daw computer na pagka-namatay ay mag-o-off na lang…Sinabi pa niya na hindi kailangan nang Diyos para sa paglikha sapagkat ang lahat ay naaayon sa prinsipyo nang siyensiya.
Pero iba ang itinuturo ni Hesus. Sabi ni Hesus ay merong muling pagkabuhay…

Sa Mabuting Balita napakinggan natin ang tanong nang mga Saduseo. Sila yung mga taong hindi naniniwala sa muling pagkabuhay. Ito ang dahilan kung bakit nagtanong sila nang kumplikadong katanungan kay Hesus. Pero sabi ni Hesus, sa muling pagkabuhay, tayo ay mabubuhay na katulad nang mga anghel.

Hindi maipapaliwanag nang science ang tungkol sa mga buhay espiritwal sapagkat ang makakapagpaliwanag lang nito ay ang pananampalataya. Ang mga bagay na ito ay hindi kayang pag-aralan sa laboratory kundi maiintindihan lamang sa loob nang Simbahan.

Hindi rin kayang mapuntahan nang kahit na anong space ship nang science ang langit sapagkat mapupuntahan lamang sa pagsakay sa turo ni Hesus nang pagpapakabuti.

Hindi rin kayang ilagay sa petri dish at silipin sa microscope ang mga katangian nang Diyos sapagkat makikita lamang ito sa pamamagitan nang pagbukas nang puso sa kabutihan nang Diyos sa paglikha.

Hindi rin kayang obserbahan ang mga galaw nang Diyos sa pamamagitan nang mortar and pestle sapagkat malalaman natin kung paano gumalaw ang Diyos kung susuriin natin ang sariling buhay at makita kung gaano niya tayo kamahal.

Merong muling pagkabuhay. Ngayon pa lang ay paghandaan natin ito. Sa mga naniniwala dito magkita-kita tayo…Sa mga hindi naniniwala sabi nung isang post sa facebook “mag-fly-fly na lang sila sa rainbow…”