Driving Lesson

Driving Lesson
(Lk. 9: 18-24)

May mga basics dawn a dapat pag-aralan upang matutong mag-drive. Pagpasok mo daw sa sasakyan ay dapat na i-check muna ang mga side mirror at rearview mirror kung ayos at nakikita dito ang likod. Kailangan ding tingnan kung nasa neutral ang kambyo kase kapag pinaandar agad nang nakakambyo ito at magja-jumpstart na nagiging dahilan nang mga aksidente. Pag ayos na ay pwede nang paandarin ang sasakyan. Kailangang tapakan ang clutch bago ikambyo nang primera kung pa-forward o kaya ay reverse pag paatras.

Kapag tumatako na kailangan ding pag-aralan ang pagpalit nang kambyo. Pag pataas halimbawa sa bundok, kailangang magbawas nang kambyo at hindi nasa mataas. Pag di pa rin kaya ay ibabalik dapat sa primera. Pag hindi ito ginawa at nanatili sa mataas, mahihirapan ang makina at baka ito ay mamatay pa at di ka makakarating sa paroroonan.

Pwede rin daw nating gamiting simbolo ito sa ating paglalakbay. Kapag may mga gabundok na mga problema, malalampasan lamang ito kung babalik tayo sa primera, sa number 1, kung babalik lang tayo sa Diyos. Magiging maayos an gating pagsunod kung laging babalikan ang Diyos.

Sa Mabuting Balita sinabi ni Hesus: “Kung may gustong sumunod sa akin, itakwil ang kanyang sarili at kunin ang kanyang krus araw-araw para sumunod sa akin.”

Hindi pala madali ang sumunod kay Hesus. Kailangang itakwil ang sarili. Kinakailangan ito sapagkat sa lahat nang gagawin ay ang kalooban nang Diyos ang dapat na ginagawa at hindi ang sariling kalooban. Ang pagsunod kase ay pagbibigay kahit na nga nasasaktan at nahihirapan. Ang mga biyaya nang Diyos ang papasok sa sarili at ang lahat na ay palabas patungo sa ibang tao. Sa pamamagitan nito, walang dapat na itira sa sarili katulad nang ginawa ni Hesus.

Kailangan ding pasanin ang krus. Hindi rin ito basta basta. Sa panahon ngayon na itinuturo sa atin nang mundo na dapat iwasan ang mga pasanin at talikdan ang mga problema, hinahamon tayo ni Hesus na hwag iwasan ang mga ito at sa halip ay gamitin ito bilang pagsunod sa Diyos. Lahat naman ay may mga krus sa buhay, walang nakakaligtas dito. Yun nga lang, iba’t-iba ang pamamaraan nang pagbuhat natin. Pero isa ang mahalaga. Hindi natin inaayawan ang krus.

Kung nahihirapan tayo sa mga requirements ni Hesus tungkol sa pagsunod, alalahanin natin ang sasakyan na manual. Meron itong mga kambyo na primera hanggang sa kwarta. Kapag nahihirapan sa pagtakbo, kinakailangan na magbawas nang kambyo lalo na kapag pataas ang daan. Kapag nahihirapan pa rin ay babalik sa primera upang lumakas ang hatak nito kung hindi ay mamamatay ang makina nito.

May isang kwento tungkol sa isang pari na binigyan nang bagong assignment papunta sa Amerika. Noong una niyang malaman ito ay para siyang nagdalawang-isip. Una ay hindi siya sanay magsalita nang Engish at ikalawa ay siya ay napakaliit. Naisip niymerika ay baka mapagkamalan siyang bata. Gayunpaman ay sumunod siya sapagkat ito marahil ang kalooban nang Diyos sa kanya at ang Diyos naman ang tutulong sa kanya.

Pagdating niya doon ay nagkaroon agad siya nang problema sapagkat sa ang altar ay napakataas at ginawa ito para sa malalaking tao. Halos mukha na lamang niya ang nakikita nang mga tao. Pero gumawa siya nang paraa. Sa pag-aantanda nang Krus ay ginamit niya ang muka. Sa noo ang “Sa Ngalan nang Ama”; sa baba ang” Sa ngalan nang Anak”; at sa magkabilang pisngi ang “Sa ngalan nang Espiritu Santo.” Effective ang naisip niya…

Alalahanin natin ang Diyos sa ating paglalakbay at pagsunod kay Hesus. Ang Diyos ang gamitin nating number 1 sa buhay natin…