Scouts
(Mt. 16: 24-28)
Am back!
Kanina sa barko nagutom ako kaya bumili ako ng pagkain. Tinamad na
akong tumayo kaya yung mga kalat mula sa pinagkainan ko ay isiningit ko
na lang sa upuan. Sa bandang unahan ko naman ay nandun yung mga
estudyante galing sa aming bayan at may nagsabi na pupunta sila sa
pagtitipon ng Girl Scouts sa Laguna (I did not confirm this). Mga kilala
ko din yung iba. Naka-shades ako nun kaya di nila alam na pinapanood ko sila.
Maya-maya may isang tumayo at malakas na nagtanong: “Saan ba ang
basurahan dito?” Nung makita niya ay itinapon niya doon yung mga
pinagkainan nila. Napangiti na lang ako. Kinuha ko yung basurang
isiningit ko sa upuan at inilagay sa bag ko. Kaya nga hanggang dito ay
dala ko ang basura.
Ang tawag sa ginawa ng estudyante ay
disiplina. Discipline is basically self-restraint. Yun bang may
kakayahan kang gawin ang isang bagay pero pinipili mong hindi gawin
sapagkat ito ay mali. May kapangyarihan kang gawin pero hindi ginagamit
ito sapagkat hindi naaayon sa kabutihan.
Ang disiplina ay
kakambal ng salitang disipulo. Ang pagiging tagasunod pala ay dapat na
masalamin din ang disiplina. Sabi ni Hesus: “Kung may ibig sumunod sa
akin, itakwil and kanyang sarili, kunin ang kanyang krus para sumunod sa
akin.” Hindi dapat ang sarili ang iniisip…dapat ay ang kabutihan ng
iba, dapat ang kalooban ng Diyos ang inuuna.
Kahit na kaya mong
gawin ang isang bagay ay nagdedesisyon kang hindi gawin sapagkat may
pinipili kang mas mabuti. Hindi porke na kaya mong malusutan ang isang
bagay ay gagawin mo na. Hindi porke may kapangyarihan ka ay aabusuhin mo
na. Hindi porke magaling at matalino ka ay hindi ka na makikinig sa
iba. Hindi porke malakas kay ay mambu-bully ka na. At hindi porke may
gusto sa iyo ang isang tao ay papaglaruan mo na!
Gusto mong maging tagasunod ni Kristo? Disiplinahin mo ang sarili mo!
*With energetic and disciplined students like them the future of
Mamburao looks bright. Kudos to their teachers who instill in them the
value of self-restraint. Sila ay mabuting disipulo…
Walang komento:
Mag-post ng isang Komento