Martilyo
(Mt19: 3-12)
May isang kwento tungkol sa isang pari sa isang parokya. Itago na lang
natin siya sa pangalang Fr. Mike. Minsan ay may lumapit sa kanya na
mag-asawa. Sabi nila kay Fr.Mike ay gusto na nilang maghiwalay kase
hindi sila magkasundo at wala ng dahilan kung bakit sila magsasama pa.
Umalis si Fr. Mike at may kinuha sa kanyang kwarto. Pagbalik niya ay may
dala na siyang martilyo.
Tinanong
ng mag-asawa kung anong gagawin ni Fr. Mike sa kinuha niyang martilyo.
Sumagot siya: “Di ba gusto ninyong maghiwalay? Ito ang martilyo na
ipupukpok ko sa mga ulo ninyo.” Sabi ng mag-asawa: “Hwag po Fr.
Mamamatay kami pag ginawa nyo yun.” Sumagot si Fr. Mike: “Kaya nga,
kamatayan lang ang makakapaghiwalay sa inyo kaya papatayin ko na lang
kayo…”
Ayun….Habol habol ni Fr. Mike yung mag-asawa. Di ko lang alam kung inabutan niya….
Ang sabi ni Hesus: “…iiwan ng lalaki ang kanyang ama at ina, at pipisan
sa kanyang asawa, at sila ay magiging isa…hwag paghiwalayin ng tao ang
pinagbuklod ng Diyos.”
Wala namang perpektong asawa o maybahay.
Dumadating talaga ang panahon na masama ang gising. May mga oras na
lumalabas ang mga insecurities. Pero ang mahalaga ay laging binabalikan
ang kasaysayan ng pag-iibigan, ang sumpaan sa harap ng altar na
magsasama at magmamahalan habambuhay.
Dagdag pa ni Hesus na
dahil ssa katigasan ng ulo kaya pinayagan ni Moises ang paghihiwalay.
Kaya nga hwag matigas ang ulo. Kung hindi, lagot ka kay Fr. Mike sa
kanyang martilyo…
Walang komento:
Mag-post ng isang Komento