Bloopers

Bloopers!

Kahapon excited ako manood ng basketball championship ng Philippines at Iran. Habang nanonood naghanda ako ng sharing para sa araw na ito. Nagbasa ako sa Simbahay. Natapos ang basketball. Nag-post ako sa facebook. Pero laban din nila Wesley So sa Chess World Cup 2013. Habang Nagta-type ay sumisilip din ako sa chessbomb. Natapos naman yung aking post.

Kanina sa misa iba ang Gospel na aking binasa. Ang nabasa ko pala kagabi ay pang-Tuesday. Kaya ayun…pabasta na lang! Ang pang-Martes ay naka-post na nung Linggo pa ng gabi.

Bloopers!

Pero hindi lang minsan yun nangyari sa akin. Two months ago ganun din ang nangyari. Sabado ng umaga ay naghanda na ako. Nung hapon ako ay nag-bike papuntang Timberland. Relax relax na. Mga alas-sais na ng gabi ako nakauwi. May misa ng 7:00PM. Nung tiningnan ko ang Sambuhay iba ang Gospel. Ayun panick…Sablay!

Bloopers!

Tinatawanan ko na lang ang sarili ko. Sabi ko dahil careless ako kaya ganun. Marami pa kong bloopers. Kung iisa-isahin ko ay baka makabuo na ng isang libro. Sabi ko nga doon sa isang post ko: “Ako ang hari ng sablay!” Pero alam ko din na marami pa akong bloopers na magagawa. At alam ko rin na aabangan nyo yun! (ha ha ha).

Kaya nga nga pag nakagawa ka ng bloopers ay sabihin mo na lang: "Si Father nga dami ring bloopers!"

*Laban ulit ni Wesley So mamaya. Panalo siya kagabi. Pag siya ay nanalo o kaya ay naka-draw pasok na siya sa second round. Sina Barbosa at Paragua ay talo kagabi at kailangan nilang manalo mamaya upang magkaroon ng extension. See here: http://livechess.chessdom.com/site/