Sabado, Pebrero 15, 2014

PUSH Mo Yan!

PUSH Mo Yan!
(Bagong Taon)

Sa pasimula ng bagong taon dalawang bagay ang pwede nating gawin: Lingunin ang nakaraang taon at tingnan ang kasalukuyan.

Lingunin ang nakaraang taon. May nangyari ba sa iyo o baka naman para ka lang isang dahon na nakalutang sa ilog at nagpatangay sa agos? Ilang tao ba ang napasaya mo noong nakaraang taon? Baka naman mas marami pa ang taong dinulutan mo ng sama ng loob at iyong pinaiyak? Ilang tao ang natulungan mo? Baka naman pansarili lamang ang inisip mo at ginawa? Ikaw ba ay naging biyaya sa ibang tao o baka naman ikaw ay naging disgrasya?

We learn from our experiences whether it’s a good experience or bad. But we also learn from experiences of others. Never put aside those learnings and put it into action.

Tingnan ang kasalukuyan. Mahalaga na magplano para sa sarili. Ano ang gusto mong mangyari sa iyo sa taong ito? May mga bagay ka bang gustong mapasaiyo? May mga pangarap ka ba sa buhay mo na gusto mong makamit ngayong taon? Anong pagbabago sa sarili ang gusto mong gawin ngayong taong ito?

Sa lahat ng mga bagay na ito…I-PUSH mo yan…Pray Until Something Happens! Hindi sapat ang iyong kakayahan upang malampasan lahat ng mga pinagdadaanan. Hindi mo kayang mag-isa na marating ang gusto mong marating. Kailangan mo ng katulong. Kailangan mo ang paggabay ng Diyos. Kaya nga magdasal.

Ibinalita ng mga pastol kina Maria ang sinabi sa knaila ng anghel. Ito ay pinag-bulay-bulay ni Maria. Itinanim niya ito sa kaniyang puso. Pinagdasalan ni Maria ang lahat ng ito. Tularan natin si Maria.

Tingnan ang nakaraan at suriin ang kasalukuyan. Magplano para sa sarili. At sa lahat ng iyan..I-PUSH mo yan…Pray Until Something happens!

Walang komento:

Mag-post ng isang Komento