Kabilang Buhay
(Lk. 20: 27-40)
Ano ang reaksyon mo sa ginawa ni Freddie Aguilar? May kasintahan siya
na 16years old samantalang siya ay 60years old. Sa batas ay hindi sila
pwedeng magpakasal. Nagpa-convert bilang Muslim si Freddie sapagkat
pinapayagan dito na magpakasal ang 16years old na babae. Laman ng balita
na sila ay nagpakasal na. Pumapayag ba kayo sa relasyong katulad nito?
May tumututol ba? Wala ka ng habol, nagpakasal na sila!
Mahalaga ang kasal. Ang isa sa mga dahilan ng kasal ay ang pagkakaroon
ng kasama maliban sa pagkakaroon ng anak. Malungkot kase kapag mag-isa
lamang. Maganda pag merong katulong sa lahat ng pinagdadaanan.
Inilatag ng batas ng mga Hudyo na kapag may mag-asawa at namatay ang
lalaki dapat na pakasalan ng kapatid ng lalaki ang babae. Mahirap kase
na maging mag-isa. Mahirap ang buhay ng balo. Mas mahirap lalo kapag
walang anak na tutulong kapag tumanda na ang magulang.
Ang sabi
ni Hesus: “Nag-aasawa ang mga taong nasa daigdig na ito, lalaki man o
babae. Ngunit hindi mag-aasawa ang mga ituturing na karapat-dapat sa
kabilang buhay…Kapantay na sila ng mga anghel at mga anak sila ng Diyos
matapos silang ibangon.”
May kabilang buhay. Doon hindi na kailangang mag-asawa sapagkat mararanasan na ang sukdulan ng ligaya kapiling ang Ama.
Walang komento:
Mag-post ng isang Komento