Bakit
Ang pinakamahirap nasagutin na tanong ay ang tanong na nagsisimula sa bakit.
Maraming katanungang “bakit” ang mga tao. Bakit may kahirapan? Bakit
may pagdurusa? Bakit may kaguluhan? Bakit may karamdaman? Bakit may
kalungkutan? Bakit may kasalanan? Bakit may kamatayan?
Hinamon ng tao ang Diyos sa pamamagitan ng mga tanong na ito na
patunayan ang kaniyang pag-iral at pagmamahal. Pinatulan naman ng Diyos
ang tao. Ipinadala niya si Hesus na nakaranas din ng kahirapan,
kalungkutan, at kamatayan. Pinagdaanan ni Hesus ang pinagdadaanan ng tao
maliban sa kasalanan upang ipakita na sa lahat ng karanasang ito ng tao
kasama niya ang Diyos.
Marami ka parin bang katanungan na
bakit? Ang sabi ni pope Francis noong maraming napinsala sa kalamidad na
bagyong Yolanda: “It’s okay to ask God why?” Ayos lang pala na tanungin
ang Diyos ng bakit. Ang tanong na ito ay hindi pagdududa sa Diyos. Ito
ay isang tanong na naghahangad na maranasan ang presensya ng Diyos, na
madama ang pagmamahal at pagkalinga ng Diyos.
Kaya nga kung marami kang katanungang bakit sa Diyos ay okay lang yan.
Walang komento:
Mag-post ng isang Komento