God Will Provide

God Will Provide
(Second Week of Advent)

May isang kwento tungkol sa isang binata na umakyat ng ligaw. Nakausap niya ang tatay ng dalaga na kanyang liligawan at siya ay tinanong:
Tatay: “Meron ka na bang trabaho?”
Binata: “Wala po.”
Tatay: “Paano mo bubuhayin ang aking anak? Saan ka kukuha ng iapapakain sa kaniya?”
Binata: “God will provide po.”
Tatay: “Paano pag nagkaanak na kayo, paano mo sila bubuhayin at papagaralin?”
Binata: “God will provide po.”
Tatay: “Paano kapag nagkaapo na kayo, paano nyo sila susuportahan?”
Binata: “God will provide po.”
Tatay: “Kung ganun hindi mo pwedeng ligawan ang anak ko!”
Binata: “Bakit po? Gusting-gusto kop o talaga ang anak ninyo. Kung hindi po ninyo ako papayagang ligawan ang anay ninyo, saan po ako makakakita ng dalagang katulad niya?”
Tatay: “God will provide!”

Totoo po yun. God will provide. Noong nagkasala ang tao kinailangan na magkaroon ng tagapagligtas kaya naman ipinadala niya ang kaniyang bugtong na anak. Si Hesus ang pinakamahalagang regaling biyaya ng Ama sa sanlibutan.

Gayunpaman, mawawalan ng saysay ang biyaya ng Diyos kung walang gagawin ang tao. Sabi nga sa kasabihan: “Nasa Diyos ang awa, Nasa tao ang gawa.”

Ngayong ikalawang linggo ng paghahanda para sa muling pagdating ni Hesus mahalaga na suriin ang sarili. Umaalingawngaw hanggang ngayon ang panawagan ni Juan baustista: “Magbagong-buhay kayo, lumapit na ang paghahari ng Langit.” Kailangang baguhin ang mga nakasanayang masasamang gawain upang maging busiak ang kalooban sa muling pagdating ni Hesus. Pagsisihan at talikdan ang kasalanan…ito ang kinakailangan!

Pero hindi lang dapat tumigil dito. Dagdag ni Juan Bautista: “Ipakilala ninyo sa pamamagitan ng inyong pamumuhay na kayo ay nagsisisi…” Dapat pala na magbago at ang pagbabag na ito ay nasasalamin sa kung paano isinasabuhay ang pagtalikod sa kasalanan. Sa dami n gating pagsisimba ay dapa na pagganda rin sana n gating ugali. Sa pagiging malapit natin kay Hesus sana ay nagiging katulad tayo niya.

God will provide. Ang ating parte na gagawin ay pagsisisi sa kasalanan, pagtalikod dito at paggawa ng kabutihan.