No Fear

No Fear

(Jn. 7:1-2,10,25-30)

 

Walang tao na walang kinatatakutan. Lahat tayo may kinatatakutan. Ang iba takot sa mga insekto katulad nang ipis, daga, ahas…Ang iba naman takot sa tao…sa magulang, sa doctor, sa teacher, sa pari…Ang iba ay takosa (takot sa asawa).

Maraming mga bata takot sa pari. Bakit? Kase ginagamit na panakot nang mga magulang ang pari. Kapag pasaway sa simbahan ang bata ay sasabihan nang magulang: “Hwag kang malikot, magagalit si father.” Kapag naman nasugatan ang bata ay tatakutin din. Sasabihan nang: “Lalabas diyan sa sugat mo ang pari…”

At kapag tayo ay natatakot, tayo ay lumalayo sa kung ano o sino man ang kinatatakutan natin…

Pero may isa na lahat tayo ay takot…Takot tayong mamatay. Bakit nga ba tayo takot mamatay? Instinct na sa atin na pangalagaan ang buhay. Kaya nga pag nagugutom tayo, tayo ay kumakain. Kapag tayo ay nakakaramdam nang uhaw, humahanap tayo nang maiinom. Kapag may panganib, tayo ay lumalayo. 

Ang sabi nang iba takot sila sa kamatayan kase bago sumapit iyon ay mararamdaman ang sakit at hapdi na walang kapares. Pero sabi nang mga manunulat, takot daw tayong mamatay sapagkat di natin alam kung ano ang meron pagkatapos nang kamatayan. Di daw tayo sigurado kung anong hitsura pagkatapos na mawala sa mundong ito. 

Samakatuwid, hindi ang kamatayan ang ating kinatatakutan kundi ang katotohanan na hindi natin alam ang kinabukasan pagkatapos nang buhay.

Si Hesus kaya nakaramdam din nang takot sa kamatayan?

Sa  Mabuting Balita, isinasalaysay na si Hesus ay lantaran na siyang nagtuturo sa mga tao. Isa na siyang “WANTED” sa mata ng batas pero lumalabas at nagpapakita pa din siya. Binangga niya ang umiiral na sistema at alam niya na hinahamon din niya ang kamatayan. He is a dead man walking!

Sinabi ni Hesus: “Sinugo ako nang Totoo na hindi ninyo kilala. Kilala ko naman siya, sapagkat galing ako sa kanya at siya ang nagsugo sa akin.” Kahit na sa harap nang kamatayan, ang malalim na relasyon pa din niya sa kanyang Ama ang kanyang pinanghawakan.

Kahit na mamatay, ang pangahawakan ay malalim na relasyon…Mamatay man meron namang muling pagkabuhay…