Pusong Bulag
Bulag. Mahirap ang maging bulag. Ang bulag ay di makikita ang kagandahan nang pagsikat at paglubog nang araw. Hindi niya makikita ang kagandahan nang iba't-ibang kulay nang bulaklak. Hindi niya maa-appreciate ang ganda nang iba't-ibang tanawin...
Pero may isang pagkabulag na mas malala pa sa pagkabulang nang mata. Ito ang pagkabulag nang puso. Nabubulag ang puso kapag may galit ito. Nabubulag ang puso kapag nagtatanim tayo nang galit at sama nang loob. Nabubulag ang puso kapag mataas ang ating pride at ang ego. Kapag ganito ang nagyayari hindi na natin makikita ang kagandahan at kabutihan nang ibang tao.
Ang mga kababayan ni Hesus ay bulag din, bulag ang kanilang mga puso. Sarado na ito sa kabutihan na ginagawa ni Hesus.Di nila matanggap na isang galing sa kanila ay gagawa nang mga bagay na kanilang nabalitaan tulad nang mga pagpapagaling. Dahil binabangga ni Hesus ang kanilang sistema nang mataas na pagtingin sa kanilang sarili sinarhan na nila ang kanilang puso kay Hesus. Pinagdudahan nila siya.Hinanapan nang butas, hinanapan nang ikakapula. Wala silang pananampalataya. Sa maraming beses katulad din tayo nila...Nagiging bulag din ang ating puso...
Ana pagkabulag na ito ay di magagamot nang mga doktor. Sarili lamang ang pwedeng gumamot nito. Palayain ang sarili. Lumapit kay Hesus at buksan ang puso sa pagbabago.
Gusto mong makakita ang iyong puso? Palayain na ang sarili. Huwag magtanim nang galit. Tanggalin ang pride. Kilalanin ang kabutihan nang iba. Tanggapin natin si Hesus...
Walang komento:
Mag-post ng isang Komento