Agad agad. Ito po ang expression na sumisikat at nauuso sa panahon ngayon. Ano nga ba ang kahulugan nito?
Sa wikang Espanyol ito po ay Ora Mismo! Sa wikang English ito ay Now Na! Sa ibang salita sa tagalog ito ay Ngayon Na! Sa madaling sabi hwag nang magpatumpik-tumpik, hwag nang magpapabukas...
Sa Mabuting Balita ito rin ang naging sagot nang mga tinawag na alagad ni Hesus. Tinawag niya ang mga mangingisda at Agad Agad silang sumunod kay Hesus. Abala pa sila sa kanilang trabaho pero hindi sila nagdalawang isip na sumunod kay Kristo. Abala pa sila sa kanilang trabaho pero hindi sila nagdalawang-isip na sumunod kay Kristo. Iniwan nila ang kanilang trabaho, iniwan nila ang kanilang pamilya. Di sila nagtanong kung meron bang sweldo. Di sila nagtanong kung meron ba silang matutuluyan o kung meron ba silang supply nang pagkain. Di sila nagtanong kung meron bang 13nth month pay o kung may bonus kaya o kung may mapapala sila sa pagsunod sa kanya. Pero sumunod sila agad agad. Tumugon sila agad agad...
Tularan natin ang mga alagad. Tumugon din tayo sa panawagan at utos ni Hesus. Huwag na tayong magpatumpik-tumpik. Sumunod tayo. Ora Mismo! Now Na! Agad Agad...
Walang komento:
Mag-post ng isang Komento