huling habilin

Huling Habilin
(Jn. 13: 31-35)

Kapag may isang aalis at may maiiwan sa bahay karaniwan na nagbibigay nang mga habilin. Halimbawa, kapag ang magulang ay aalis at maiiwan sa bahay ang mga anak magbibilin ito nang: “Magluto kayo nang pagkain natin; alagaan ang inyong batang kapatid; maglinis nang bahay; pakainin ang alagang aso…”

Gayundin kapag merong malapit nang pumanaw karaniwan na nag-iiwan ito nang habilin…last will and testament. Kailangan ito upang sa kanyang paglisan ay maging maayos ang lahat.

May isang kwento tungkol sa isang businessman na Intsik. Tinaningan na nang doctor ang kanyang buhay. Di na siya magtatagal. Alam iyon nang kanyang mga anak. Sa banig nang karamdaman paggising niya ay nasa harap na niya ang kanyang mga anak. Doon siya nabigay nang huling habilin. Pero bigla siyang lumakas nang mapagtanto niya na lahat nang mga anak niya ay nandun. Nagalit ito. Tinanong siya nang kanyang mga anak kung bakit ito nagagalit. Sinabi nang matanda: “ Nandito kayo lahat sa tabi ko, sino ang nagbababantay nang ating tindahan?” Kahit na malapit nang pumanaw ang nasa isip pa din ay yaman…

Si Hesus alam niya na siya ay malapit nang mamatay. Tanggap na niya ang kayang kapalaran sa krus. Kaunting oras na lang ang kanilang pagsasama nang mga alagad. Kinailangan niyang magbigay nang huling habilin sa mga ito. Ano ang kanyang habilin? Mag-ibigan kayo.

Bago siya lumisan ibinilin niya na ang pag-ibig ang siyang maging identity nila na tagasunod ni Hesus. Pero hindi lamang pag-ibig. Ang pag-ibig na tinutukoy niya ay ang pag-ibig na ibinahagi niya. Ito yung pag-ibig na mapagpakumbaba; pag-ibig na handang ibigay ang sarili para sa minamahal; pag-ibig na ang iniisip at ang ginagawa ay kung ano ang mabuti sa iniibig; pag-ibig na handang ialay ang buhay para sa iba. Ito ang modelo na ibinigay ni Hesus.

Madali ang magmahal nang taong gusto nating mahalin. Madaling mahalin ang mga gwapo at magaganda (ehemmm). Madaling mahalin ang mga mababango. Madaling mahalin ang mga mayayaman, sikat at makapangyarihan. Madaling mahalin si father…Madaling mahalin ang isang tao na meron tayong makukuhang kapalit!

Pero hindi to ang modelo nang pagmamahal ni Hesus. Ang pagmamahal na ipinakita niya ay yung pagmamahal na hindi naghihintay nang kapalit. Ipinakita niya na mahalin ang mga taong hindi karapat-dapat na mahalin. Mahirap mahalin ang mga mahihirap, ang mga mababaho, ang mga pangit, ang mga walang boses sa lipunan, ang mga taong sa tingin nang marami ay basura nang lipunan. Pero sila ang minahal ni Hesus. At sila pa nga ang unang sumunod kay Hesus. Sila ang unang tumanggap nang kaharian nang Diyos.

Noong 2006 isang seminaristang Heswita na nagngangalang Richie Fernando ang ipinadala sa Cambodia upang magturo. Isang araw, isang estudyante ang pumunta sa school na pinagtuturuan niya upang pasabugin ang isang granada sa mga mag-aaral doon. Pinigilan ni Richie ito. Nahulog ang granada. Dinapaan niya ito at siya ang nasabugan. Nawalan nang buhay si Richie pero ang kapalit naman nito ay maraming buhay nang mga estudyante. Si Richie sinundan niya ang pag-ibig na ipinakita ni Hesus.

Sa ating buhay sana matutuhan nating umibig…tunay na umibig katulad ni Hesus! Makikilala tayong tagasunod ni Kristo kung tutularan natin siya sa kanyang pagmamahal...